Jon Darpon Eusko Jaurlaritzako Osasuneko sailburuak Eusko Legebiltzarreko Osasun Batzordearen aurrean ekainaren 27an egindako agerraldian iragarri zuenez, Osatekeko Administrazio Kontseiluak bere plantillan hizkuntza-eskakizunak esleitzeko akordioa hartu du. Horrela, lanpostu funtzional guztiek beren hizkuntza-eskakizuna izango dute esleituta, kasu honetan B2 maila. Derrigortasun datadun lanpostuetarako data 2022ko abenduaren 31 da.
Aurten bertan, gainera, berariazko euskara-plan bat izango du Osatekek, Osakidetza egiten ari denaren ildo berekoa. Hala, lehen euskara-plan horrek pertsona guztien hizkuntza-eskubideak bermatzea izango du xede, Osatekek euskal gizarteari eskaintzen dion zerbitzua hobetuz, euskararen erabilera, bai zerbitzu-hizkuntza moduan, baita lan-hizkuntza gisa bultzatuta. Plana urtea amaitu baino lehen abiatuko da eta 2022ra arte egongo da indarrean.
